මූ අපේ ස්කෝලේ එකෙක්ද බන්

දිමුතුවා ඉතිං මාස 3 4කට සැරයක් අම්පාරේ එනවානේ

එක දවසක අම්පාරේ කානිවල්
ගහන්නේ ෆැලෑෂ් බැක්
දිමුතුවත් ආවා.

දිමුතු, ඉසුරු, ජයන්ත, ජිම් සම්පත්
සෙට් වුනා කානිවල් බලන්න යන්න

9.30 නාග සලං දැන් සෙට් එකම
නගර සභාවේ පිටි පස්සෙන් බැස්සා දැන්

මම තමයි නඩේ ගුරා. මුලින්ම අදිනවා
පට්ට වෑන් එකක් තියෙනවා.
ගියා ලගටම.

අම්මට සිරි හොදට දන්න කියන සෙට් එකක් ඉන්නවා
ඒ වුනාට කවුරුත් මතකෙට එන් නෑ.

මෙන්න දඩබඩ ගාලා සෙට් එකම වෑන් එකෙන් බහිනවා.
මතක් වෙන්නෙම නෑ

අන්තිමට බැස්සා දේහධාරි පොරක්
අම්මට සිරි "රෝස් අලගියවන්න"

සතුට වැඩි කමට
"අඩෝ රෝසා උඹත් ආවාද"
මූටත් අවුල් දන්න කියන එකෙක්ද මේ කියලා
"අද උඹ හොද සින්දු දෙකක් කියලා බහින්න ඕනි"

මු ගිය දිහාක් හොයා ගන්නත් බැරිවුනා..

පස්ස හැරිලා බැලුවා අපේ වුන් කෝ කියලා
මෙන්න යකෝ තවත් පොරක් ඉන්නවා

"අම්මට සිරි රොෂාන් අයියා උඹත් ආවාද"
රොෂාන් ප්‍රනාන්දු මගේ පස්සෙන්

"ඒ ඉසුර මෙහෙ වරෙන් රොෂාන් අයියා ඇවිල්ලා"
හැමදාම සෙට් වෙන එකෙක් වගේ මේ ටිකට මූ මට අයියත් වෙලා

දැන් ඉතිං සෙට් එකම ඇවිල්ලා කථාව

දිමුතුවත් ආවා උසට උසේ

"දිමුතු මේ රොෂාන් අයියා"
දිමුතුවා අත දික් කරලා
"හලෝ රොෂාන්"
කියලා මූ හැරුණා මගේ පැත්තට
"මූ අපේ ස්කෝලේ එකෙක්ද බන්"

කාලා හමාරයි රොෂාන්ට මොනා හිතෙන්න ඇතිද

අපේ උන් බඩ අල්ලන් හිනා වෙනකොට

ගුරුකම

මේකනම් අපේ මාමණ්ඩිගේ කථාවක්. කථා සාගරයක් මෑන්නම්

අද එකක් ලියන්නම්

මාමාට මෑතකදී ජොබ් කට්ටක් සෙට් වුනා

කොළඹ රටේ කොන්ත්‍රාත් කරන තැනක වැඩ බලන්න

මෙතන ලොකු මහත්තයාට එකම එක දූ පොඩිත්තයි ඉන්නේ

එකා යකානේ

මේ දූ පොඩිත්තත් එහෙමයි

නා නා කාර කොල්ලොත් එක්ක සෙට් වෙලා අවසානයේ

චණ්ඩියෙක් එක්ක සෙට් වුනේ නැතියි

සල්ලි කද නිසා මූත් මේකට මෑරිගෙන

ටික දවසක් යනකොට මේක ගෙදරින් දැනගෙන

දෝණියන්දට බර බරේ

කොලුවා ආවා ගෙදරට ආදරණීය දුවගේ

අම්මා තාත්තට ආදරයෙන්

"මට දූ දුන් නැත්තම් තොපි බාවනවා"

කියලා සන්තොසෙන් යන්න ගියා

‍ලොක්ක දස අතේ කල්පනවා

අපේ මාමණ්ඩියා කොහොමත් හවසට සප්පායම්නේ

ගියා ඕපීසියට

ලොක්කා අවුලෙන්

"මොකෝ සර් අවුලෙන් ප්‍රශ්ණයක්ද"

ලොක්කා ඉතිං වෙච්ච සන්තෑසිය දිගහැරියේය

"අයියෝ ඕවා ප්‍රශ්ණද අපි දෙමු ගේමක්"

ලොක්කගේ ඉහේ මල් පිපුණි

"මොකක්ද කරන්න ඕනි අපි මං උඹට ඉල්ලන ගාණක් දෙන්නම්"

"දුව නාපු වේලාවට මට කොණ්ඩ ගස් 5ක් ගෙනත් දෙන්න"

ලොක්ක සන්තෝසේ වැඩි කමට මාමණ්ඩියා බදා ගත්තා

දැන් කොණ්ඩ ගස් 5ත් ලැබුනා

"මට මේක කරන්ඩ ගමේ යන්න ඕනි වැඩේට සල්ලි ටිකකුත් යයි"

පහුවදාම මෑන්ට සල්ලි ටිකකුත් දීලා 

නමෝ විත්තියෙන් පිටත් කරා වැඩේ කරගෙන එන්න

අපේ සීයත් මන්තර ගුරුකම් ටිකක් දන්නවා

"තාත්තා පොඩි වැඩක් තියෙනවා කර ගන්න ඕනි"

මාමා විස්තරේ සීයාට කිව්වා

"මගෙන් මොකුත් අහගන් නැතුව පලයන් යන්න"

සීයා මාමාව එලවලා දැම්මේ නැතියි

දැන් ඉතිං මොනා කරන්නද?

සතියක් ගෙවුනා

වැඩට යන්නත් ඕනි

කෙස් ගස් ටික දැම්මා ලිපට

පහුවදා ගියා වැඩට

ඕපීසියට ගොඩ වදිනකොටම

ලොක්කා ඇවිල්ලා මාමණ්ඩිව බදා ගත්තා

"අපිව බේරගත්තට පිං"

මාමණ්ඩි අඤ්ඤකොරොස්

"අරු අන්න බයික් එක ගහක හැප්පිලා දවස් 3කට කලින් මලා"

කිරි අප්පට බල්ලෝ පැනපි

බුලත් කොලයක් උඩ තියලා එම සැනින්

මුදල් කුට්ටියක් මාමාගේ අත මත